សូមឲ្យនៅក្នុងព្រះហស្តព្រះយេហូវ៉ា របាក្សត្រទី១ 21:9-17 05 August 2026
៩ ខណៈនោះ ព្រះយេហូវ៉ាទ្រង់បង្គាប់ដល់កាឌ់ ជាអ្នកមើលឆុតរបស់ដាវីឌ ១០ ឲ្យចូលទៅប្រាប់ដាវីឌថា ព្រះយេហូវ៉ាទ្រង់មានព្រះបន្ទូលដូច្នេះ អញដាក់សេចក្តីទាំង៣នេះឲ្យឯង ចូររើសយក១ចុះ ឲ្យអញបានធ្វើយ៉ាងនោះដល់ឯង ១១ កាឌ់ក៏ចូលទៅទូលនឹងដាវីឌថា ព្រះយេហូវ៉ាទ្រង់មានព្រះបន្ទូលដូច្នេះ ចូររើសយក១ចុះ ១២ ទោះបើជាសេចក្តីអំណត់អស់៣ឆ្នាំ ឬឲ្យពួកខ្មាំងសត្រូវបំផ្លាញ ក្នុងរវាង៣ខែ កំពុងដែលដាវរបស់ពួកខ្មាំងតាមឯងទាន់ ឬជាដាវនៃព្រះយេហូវ៉ា នៅរវាង៣ថ្ងៃវិញ គឺជាជំងឺអាសន្នរោគកើតឡើងក្នុងស្រុក និងទេវតានៃព្រះយេហូវ៉ា បំផ្លាញទួទៅអស់ទាំងដែនស្រុកអ៊ីស្រាអែល ដូច្នេះ សូមពិចារណាឥឡូវនេះចុះ តើចង់ឲ្យទូលបង្គំឆ្លើយ ដល់ព្រះដែលចាត់ឲ្យទូលបង្គំមកជាយ៉ាងណា ១៣ ដាវីឌទ្រង់មានព្រះបន្ទូលទៅកាឌ់ថា យើងមានសេចក្តីចង្អៀតចិត្តជាខ្លាំង សូមឲ្យយើងធ្លាក់ទៅក្នុងព្រះហស្ត នៃព្រះយេហូវ៉ាវិញចុះ ដ្បិតសេចក្តីមេត្តាករុណារបស់ទ្រង់ធំណាស់ កុំឲ្យយើងធ្លាក់ទៅក្នុងកណ្តាប់ដៃនៃមនុស្សឡើយ ១៤ ដូច្នេះ ព្រះយេហូវ៉ាទ្រង់បណ្តាល ឲ្យមានជំងឺអាសន្នរោគកើតឡើង ក្នុងពួកអ៊ីស្រាអែល ហើយពួកអ៊ីស្រាអែលក៏ដួលស្លាប់អស់៧ម៉ឺននាក់ ១៥ ព្រះទ្រង់ក៏ចាត់ទេវតា១ទៅបំផ្លាញក្រុងយេរូសាឡិម តែកាលទេវតានោះហៀបនឹងបំផ្លាញទៅ នោះព្រះយេហូវ៉ាទ្រង់ទតឃើញ ក៏មានព្រះហឫទ័យរំជួល ថយចេញពីការអាក្រក់នោះ ហើយមានព្រះបន្ទូលទៅទេវតាដែលបំផ្លាញថា ល្មមហើយ ចូរបញ្ឈប់ដៃឥឡូវចុះ ខណៈនោះ ទេវតានៃព្រះយេហូវ៉ាកំពុងតែឈរ នៅជិតលានស្រូវរបស់អ័រ៉ៅណា ជាសាសន៍យេប៊ូស ១៦ ដាវីឌទ្រង់ងើបព្រះនេត្រឡើង ឃើញទេវតានៃព្រះយេហូវ៉ាកំពុងឈរ នៅកណ្តាលមេឃ និងផែនដី មានដាវហូតជាស្រេចនៅដៃ លូកទៅលើក្រុងយេរូសាឡិម នោះដាវីឌ និងពួកចាស់ទុំដែលស្លៀកសំពត់ធ្មៃក៏ផ្តួលខ្លួនក្រាបចុះផ្កាប់មុខ ១៧ ហើយដាវីឌទ្រង់ទូលដល់ព្រះថា គឺទូលបង្គំទេតើ ដែលបង្គាប់ឲ្យរាប់ចំនួនជនទាំងឡាយ គឺទូលបង្គំដែលបានធ្វើបាប ហើយប្រព្រឹត្តដោយការល្មើស តែពួកចៀមទាំងនេះវិញ តើគេបានធ្វើខុសអ្វី ឱព្រះយេហូវ៉ា ជាព្រះនៃទូលបង្គំអើយ សូមឲ្យព្រះហស្តទ្រង់បានទាស់នឹងទូលបង្គំ ហើយនឹងពួកវង្សរបស់ទូលបង្គំចុះ សូមកុំឲ្យទាស់នឹងរាស្ត្ររបស់ទ្រង់ ឲ្យគេត្រូវវេទនាឡើយ។ ការយល់ដឹងពីអត្ថបទ នៅក្នុង 1 របាក្សត្រ 21:9-17 ស្តេចដាវីឌប្រឈមមុខនឹងផលវិបាកនៃជំរឿនប្រជាជនដ៏មានបាបរបស់ទ្រង់។ ដោយប្រឈមមុខនឹងការដាក់ទណ្ឌកម្មធ្ងន់ធ្ងរបីយ៉ាង គឺទុរ្ភិក្ស សង្គ្រាម ឬជំងឺរាតត្បាត ដាវីឌបានជ្រើសរើសគ្រោះកាចរយៈពេលបីថ្ងៃពីព្រះអម្ចាស់។ នៅពេលដែលទេវតាបំផ្លាញវាយប្រហារក្រុងយេរូសាឡឹម ដាវីឌបានឃើញការបំផ្លិចបំផ្លាញ ទទួលខុសត្រូវទាំងស្រុង ហើយអង្វរព្រះជាម្ចាស់ឱ្យលើកលែងទោសដល់ប្រជាជនដែលគ្មានទោសពៃរ៍របស់ទ្រង់។ ១. ព្រះចាត់ព្យាការីកាដឲ្យមកផ្តល់ជូនដាវីឌនូវវិន័យបីទម្រង់ផ្សេងគ្នា៖ ទុរ្ភិក្សបីឆ្នាំ ការបរាជ័យខាងយោធាបីខែ ជំងឺរាតត្បាតបីថ្ងៃ (ជំងឺរាតត្បាត) ការផ្តល់ជូនមិនធម្មតានេះបង្ហាញពីឆន្ទៈរបស់ព្រះក្នុងការអនុញ្ញាតឱ្យដាវីឌមានអំណាចសូម្បីតែក្នុងវិន័យរបស់គាត់ ដោយសង្កត់ធ្ងន់ថាផលវិបាកគឺជៀសមិនរួច ប៉ុន្តែផ្លូវនៃវិន័យមានទម្រង់ផ្សេងៗគ្នា។ ២. ការទុកចិត្តលើសេចក្តីមេត្តាករុណារបស់ដាវីឌ ធ្វើការជ្រើសរើសយ៉ាងជ្រាលជ្រៅ ដោយនិយាយថា "ខ្ញុំស្ថិតក្នុងទុក្ខលំបាកយ៉ាងខ្លាំង។ សូមឲ្យខ្ញុំធ្លាក់ទៅក្នុងកណ្ដាប់ដៃរបស់ព្រះអម្ចាស់ ដ្បិតសេចក្តីមេត្តាករុណារបស់ទ្រង់ធំធេងណាស់។ ប៉ុន្តែកុំឲ្យខ្ញុំធ្លាក់ទៅក្នុងកណ្ដាប់ដៃមនុស្សឡើយ"។ ដាវីឌយល់ថា ខណៈពេលដែលអំពើបាបរបស់គាត់មានសារៈសំខាន់ សេចក្តីមេត្តាករុណា ឬកាលៈទេសៈរបស់មនុស្សគឺមិនប្រាកដប្រជា និងឃោរឃៅបើប្រៀបធៀបទៅនឹងព្រះគុណដ៏គ្មានព្រំដែនរបស់ព្រះ។ ដោយជ្រើសរើសជំងឺរាតត្បាត ដាវីឌដាក់ការវិនិច្ឆ័យទាំងស្រុងនៅក្នុងកណ្ដាប់ដៃរបស់ព្រះ ជាជាងពឹងផ្អែកលើសម្ព័ន្ធមិត្តយោធា ឬសេចក្តីមេត្តាករុណារបស់សត្រូវ។ ១. តើខគម្ពីរមួយណាដែលព្រះប្រទានមកខ្ញុំនៅថ្ងៃនេះ? ..........................................................................................................................................................................................................។ ២. ហេតុអ្វីបានជាទ្រង់ប្រទានខគម្ពីរនេះមកខ្ញុំដូចច្នេះ? ទូលបង្គំនឹងទទួលតាមបង្គាប់ទ្រង់។ ..........................................................................................................................................................................................................។ ៣. ប្រសិនបើខ្ញុំបានធ្វើតាមបង្គាប់ទ្រង់ហើយ តើទ្រង់នឹងប្រទានអ្វីមកដល់ទូលបង្គំ? ..........................................................................................................................................................................................................។ សេចក្តីអធិស្ឋាន ..........................................................................................................................................................................................................។